ڈیرہ بگٹی ءِ ھند سوئی ءَ پاکستانی پوج بازیں کچے ءَ مچ بیتگ ءُ دمگ ءِ موبائل نیٹورک ھم بند کنگ بیتگ اَنت زوراکی ءِ گمان اِنت۔
اے بابت ءَ بی آر پی ءِ جارکش شیر مھمد بگٹی ءَ ماں چاگردی رسانکدر ءِ تند جاہ ایکس ءَ نبشتگ کہ پوج ءَ بازیں کچے ءَ سوئی ءِ کِر ءُ کشانی ھنداں شاک نمبر چار ءُ پنچ انگر کرتگ ءُ سدانی کچ ءَ کارمند پیادگ ءَ تر ءُ گرد کنگ ءَ اَنت۔
آئی ءَ گوشتگ کہ سوئی ءِ کروجی، بگٹی کالونی ءِ نزیک ءَ 35 ءَ گیش بکتربند، گاڑی اوشتوک انت۔
