شال: پہ زور بیگواھیں مردمانی پد جنگ ءَ شدکشیں زھرشانی گدان ءَ 5853 روچ سرجم بیتگ۔ مرچی وی بی ایم پی ءِ کمک سرکماش ماما کدیر گدان ءَ ساڑی بیتگ۔
ماما کدیر گوں مردماں تران کرتگ ءُ گوشتگ کہ بلوچستان ءَ ھمک روچ انسانی ھکانی ناھکیں لگتمالی کیس دیم ءَ آھگ ءَ اَنت۔ بلوچانی زوریں بیگواھیءُ درکانودی کوش چہ ریاستی ادارھانی نیمگ ءَ دودے جوڑ بیتگ۔
آئی ءَ گوشتگ کہ 15 جون 2025 ءَ چہ گھٹی ڈور ءَ گوادر ءِ جاہ منند سلام ھیدر بندیگجاہ ءَ کشگ ءُ آئی لاش کھول ءِ دست ءَ دیگ بیتگ ءُ آیاں ھمے گوشگ بیتگ کہ آئی کوش ءِ بابت ءَ بے توار بہ بہ اِت۔ بندیگجاہ ءَ کشگ ءَ پد آیانی لاش ایدھی پاؤنڈیشن ءِ رد ءَ بے نامیں کبراں کل کنگ بوگ ءَ اَنت۔
