کراچی: پاکستانی پوج ءُ چیریں ادارھاں دوشی کراچی ءِ ھند ماڑی پور ءَ گسے ءَ بیڑ برتگ ءُ ابدلرھمان ء ھدابکش نامیں ورنایے آوار جتگ ءُ بیگواه کرتگ.
ابدلرھمان بلوچ ءِ زوریبگواھی ءِ گپ وائس پار مسنگ پرسنز ( وی بی این پی ) ءَ راست کرتگ ءُ گوشتگ که دوشی ادار دوازده ءُ نیم ءِ نزیک ءَ رینجرز ءُ سادگ پوشاکیں کارمنداں بیڑ برتگ ءُ ابدلرھمان چه گس ءَ کھول ءِ دیم ءَ آوار جتگ ءُ بیگواه کرتگ. اے بابت ءَ کھول ءَ گوشتگ که آئی ءِ دزگیر کنگ ءِ بارو ءَ مارا ھچ وڑیں سرپدی دیگ نه بیتگ که چه ایشی ءَ ما سک پریشان اِیں.
وی بی ایم پی ءَ گوں سرکار ءَ لوٹ کرتگ که اگاں ابدلرھمان ءِ سر ءَ چونیں بھتامے ھست گڑا آمیدگس ءَ پیش کنگ به بیت۔
