بلوچستان لبریشن پرنٹ (بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں 15 جون 2025 ءَ سھب ءِ ادار ده ءِ نزیک ءَ پوج ءِ چاریگ دنیا ھان مری ءِ بلوچ چکچینی ءِ ھوار بوگ ءِ سوب ءَ مرگ ءِ سزا داتگ ءُ آئی سر ءَ کار کرتگ۔
آئی ءَ گوشتگ که دنیا هان مری سرمچاراں گل ءِ چیریں ونگ ءِ ھال ءِ بنیاد ءَ 6 جون ءَ شپ ءِ نو ءَ بارکان ، بگاؤ ءَ چه گس ءَ راجدروھی ءِ میار ءِ بنیاد ءَ دزگیر کرتگ۔
جارکش ءَ گوشتگ که جست گرگ ءِ وھد ءَ راجی میاربار ءَ زورگریں پاکستانی پوج ءِ ھمراھی ءَ بلوچ ورناھانی درکانودی کوش ءُ زوربیگواھی ھوار بوگ ، پوجی لشکرکشی ءِ وھد ءَ لس مردمانی گسانی پیش دارگ ءُ سرمچارانی چاریگی کنگ من اِتگ ءُ وتی ٹولی ءِ بابت ءَ سرجمیں سرپدی گل ءِ کر ءَ پیش کرتگ اَنت۔
آئی ءَ گوشتگ که چه پوج ءِ چاریگ دنیا ھان مری ءَ گپتگیں سرجمیں سرپدی ھما وھد ءَ رسانکدر ءِ دیم ءَ پیش کنگ بنت که گل آئی ءِ سرجمیں ٹولی ءَ ھلاس کنت۔
جارکش ءَ گوشتگ که بی ایل ایپ چه رسانکدر ءِ پارست ءَ بارکان ءُ کش ءُ کراں درسیں چاریگاں کڈن کنت که بلوچ چکچینی ءَ گوں پاکستانی پوج ءَ هوار اَنت ءُ راجی آجوئی زرمبشت ءُ بلوچ راج ءِ بگیری ءَ دژمن ءِ کمکاری ، چاریگی ءُ راجدروھی ءَ یل به کنت اَنت ءُ په آھوکیں وهد ءَ گل ءِ دیم ءَ مانزمانی به دے اَنت ، اگاں ناں گل اے درسیں کارمندانی بگیری ءَ کاروائی کنت که آ بلوچ زرمبشت ءِ بگیری ءُ چکچینی ءِ شوربندیاں دژمن ءِ چریک جوڑ بیتگ اَنت۔
آئی ءَ گوشتگ که دگه یک کاروائی ءَ 15 جون ءِ شپ ءَ ھزدار ءِ ھند وڈ ءَ سرمچاراں وڈ ءِ بازار ءَ سادک ھوٹل ءِ نزیک ءَ یوپون شرکت ءِ موبائل ٹاور ءِ سر ءَ اُرش کرتگ ءُ ٹاور ءِ مشین ءُ سولر سسٹم مانداشتگ اَنت.
میجر گھرام بلوچ ءَ درشان ءِ گڈی ءَ اے اُرشانی زمه واری من اتگ۔
