نوشکے: نیشنل ڈیموکریٹک پارٹیءِ بنجاھی سروک ابدالگنی بلوچ ءِ زوریں بیگوھی ءِ بگیری ءَ زھرشانی روانکے کشگ بیتگ۔ زھرشانی ءَ جنین ءُ زھگ، سیاسی ءُ چاگردی کارکن ءُ لس مردماں بازیں کچے ءَ بھر زرتگ۔
زھرشانی کنوکیں مردماں زور بیگواھیں ابدلگنی بلوچ ءِ اکس، بینرءُ پلے کارڈ دستاں بیتگ ءُ آیاں زوریں بیگواھیانی بگیری ءَ اوگام جتگ ءُ ابدلگنیءَ ھوار پہ آدگہ بیگواھیں مردمانی آجوئی ءَ لوٹ کرتگ۔
زھرشانی کنوکیں مردماں گوں سرکار ءُ لشکری اداراھاں لوٹ کرتگ ءُ گوشتگ کہ ابدلگنی بلوچ ءَراھبندی ھک دیگ بہ بیت ءُ پہ آئی آجوئی ءَ زوت گامگیج زورگ بہ بیت۔ ابدالگنی ءِ بابت ءَ آئی کھول ھم سرپد کنگ بہ بیت۔
چوش کہ ابدلگنی بلوچ 25 مئی ءَ چہ شال ءَ کراچی ءَ روگ ءَ بوتگ کہ چہ ھزدار ءِ نزیک ءَ پاکستانی پوج ءُ چیریں ادارھاں آوار جتگ ءُ بیگواہ کرتگ انگت ءَ بیگواہ اِنت۔
