بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 13 جون ءِ بیگاہ ءِ ادار 3:30 ءَ زامران ءِ ھند گیشتردان ءِ مبارکی ھل ءَ برجاھیں پاکستانی پوج ءِ چوکی ءِ سر ءَ اُرش کرتگ ءُ دژمنیں لشکر جانی ءُ مالی تاوان داتگ۔
آئی گوشتگ کہ ھمے وھد ءَ سرمچارانی یک دگہ ٹولی یے ءَ چوکی ءِ نزیک ءَکارکنوکیں شرکت ءِ یک سرکاری بلڈوزرے نشانگ کرتگ ءُ شرکت ءِ میشن ءُ سامان مانداشتگ اَنت
جارکش ءَ گوشتگ کہ یک دگہ کاروائی یے ءَ بی ایل ایپ ءِ سرمچاراں 14 جون ءِ شپ ءِ ادار نُھ ءِ نزیک ءَ گریشگ، سرریج دو راھی ءَ برجاھیں پاکستانی پوج ءِ چوکی چہ سک ءَ نزیک ءَ نشانگ کرتگ۔ چہ ایشی آسر ءَ چوکی ءِ ڈن ءَ اوشتوکیں یک کارمندے جاھی مرتگ ءُ سَے ٹپی بوتگ۔ اُرش داں نیم ادارے ءَ برجاہ بوتگ۔ اُرش ءَ پد دژمنیں پوج ءَ گوں مارٹر ءُ آدگہ ٹوھیں سلاھاں سرمچارانی نشانگ کنگ ءِ جھد کرتگ۔ بلے سرمچار پہ سلامتی درکپگ ءَ سوبین بوتگ اَنت۔
میجر گھرام ءَ زامران ءُ گریشگ ءَ پاکستانی پوج ءُ دگ کارکنوکیں ءِ سر ءَ اُرشانی زمہ واری من اتگ۔
