کیچ: دشت ءَ بمب تراکے ءَ بلوچ سرمچارے شھید بوتگ۔
اھوالکار ءِ رد ءَ شھیدبوتگیں سرمچار ریاز دشت شوالی ءِ جھمنند اِنت۔ آ گوں وتی آدگہ سنگتاں تر ءُ گرد کنگ ءَ بوتگ کہ چیر کرتگیں شورھانی زد ءَ کپتگ۔
شھید ریاز دشت ءِ ھند ملائی نگور ءِ کوھی دمگ سْیاھجی ءِ نیمگ ءَ روگ ءَ بوگ ءَ بوتگ کہ شھید بوتگ۔ انچوش گوشگ بوگ ءَ اِنت سْیاھجی ءِ نیمگ ءَ روکیں کشکانی سر ءَ پاکستانی پوج ءَ بمب کل کرتگ۔
انگت چہ سلاہ بندیں گلانی نیمگ ءَ اے بابت ءَ ھچ وڑیں درشان شنگ کنگ نہ بوتگ۔
