بلوچستان لبریشن پرنٹ ( بی ایل ایپ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 12 جون ءِ شپ ءِ نھ ءَ ھاران شھر ءَ کوھنیں گزی دگ ءَ برجاھیں پاکستانی پوج ءِ چوکی ءِ سر ءَ گوں گرنیڈ کانچراں ارش کرتگ۔ ارشءَ دژمن ءِ سر ءَ گولا آس داتگ کہ نشانگ ءَ کپتگ اَنت چہ ایشیءَ دژمنیں لشکرءَ جانیءُ مالی تاوان بیتگ۔
آئی ءَ گوشتگ کہ دوازدہ جون ءَ دہ ءُ چل ءَ سرمچاراں ھیرونک ءَ برجاھیں زورگریں پاکستانی پوج ءِ چوکی ءِ سر ءَ باز گولا آس داتگ کہ آ نشانگ ءَ کپتگ اَنت ایشی آسر ءَ زورگریں لشکر ءَ جانیءُ مالی تاوان بیتگ۔
آئیءَ گوشتگ کہ دگہ یک ارشے ءَ سرمچاراں دوازدہ جون ءِ شپ ءَ یازدہ ءُ نیم ءَ چاگے ءِ ھند پدگ ءَ گڈانی ءَ شال تپتان شھدگ ءَ این چالیس ءَ تیل بروکیں بوزر گاڑی ءِ سر ءَ تیرگواری کرتگ ءُ گاڑی تباہ کرتگ ءُ ڈرائیور انسانیتءِ بنیاد ءَ یل داتگ۔
جارکش ءَ ھاران ءُ ھیرونک ءَ زورگریں پاکستانی پوج ءُ چاگے ءَ تیل بروکیں گاڑی ءِ سر ءَ ارشانی زمہ واری من اتگ ءُ گوشتگ کہ ھمے کول ءَ کن ایں بلوچستان ءَ زورگریں پوج، آئی شوربندی، آئی کمکار ءُ ھمک ھما شوربندی ءَ نشانگ کن ایں کہ آئی مول بلوچستان ءِ سر ءَ زورگپتی ءِ دراجکش کنگ ءُ بلوچ ءِ مڈیانی لٹ ءُ پول کنگ بہ بیت۔
