بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں دوازده جون ءَ بیگاه ءِ اَدار پنچ ءُ چل ءَ جاهو ءِ مزنیں دگ ، نونڈره دوراھی ءَ زورگریں پاکستانی پوج ءِ برجاھیں چوکی ءِ سر ءَ گوں راکٹ ءُ آدگه ٹوھیں سلاھاں اُرش کرتگ که ایشی ءِ آسر ءَ دژمن ءِ دو کارمند جاھی مرتگ ءُ سے ٹپی یبتگ.
آئی ءَ گوشتگ که زورگریں پاکستانی پوج ، سرمچارانی مھکمیں اُرشانی آسر ءَ سرجم ءَ سسائی پروش ءِ آماچ اِنت ءُ په وتی پروشانی چیر دیگ ءُ کارمندانی توکل ءِ گھتر کنگ ءَ لس مردماں زوربیگواه کنت ءُ کش ایت۔
جارکش ءَ گوشتگ که اِے اُرش ءِ تامر زوت چه گل ءِ رسانکدر آشوب چینل ءَ شنگ کنگ بیت۔
میجر گھرام بلوچ ءَ درشان ءِ گڈی ءَ اِے اُرش ءِ زمه واری من اِتگ ءُ گوشتگ که داں بلوچستان ءِ آجوئی ءَ زورگریں پوج ءُ آئی ءِ شوربندی ءُ چریکانی سر ءَ مئے اُرش برجاه بنت۔
