بلوچ لبریشن آرمی ( بی ایل اے ) ءِ جارکش آزاد بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 23 پروری 2025 ءَ بلیدہ ءِ ھند میناز ءَ ریاستی پلہ مرزیں کشندہ ٹولی ءِ کارمندانی تیرگواری ءَ شھید بیتگیں نہ ترسیں بلوچ پسگ سنگت ھپیز بلوچ پنام ھمل ء داود بی ایل اے ءِ سرمچارے بیتگ۔
آئی ءَ گوشتگ کہ شھید سنگت ھپیز بلوچ بلیدہ میناز ءِ جاہ منند اِنت، آ 2022 ءَ بی ایل اے ءَ ھوار بیتگ۔ آئی بلیدہ ءَ ھوار پنجگور ءُ واشک ءِ میانی ھند سبز کوہ ءِ جنگاں وتی کرد پیلو کرتگ۔ سنگت ھپیز بلوچ یک مھکم، ایماندار ءُ جپاکشیں ھمبلے ءِ رد ءَ یاد کنگ بیت۔
جارکش ءَ گوشتگ کہ آ ھما روچ ءَ شھید کنگ بیتگ ھمے روچاں آ بلیدہ ءَ گل ءِ یک جوانیں مشنے ءَ بیتگ۔ بی ایل اے شھید سنگت ھپیز بلوچ پنام ھمل ءَ راجی کارانی سر ءَ دروت ندر کنت۔
