ھندوستان ءِ شھر اھمد آباد ءَ مساپرکشیں بالی گرابے کپتگ ءُ تباہ بیتگ، بازیں مردمانی مرگ ءُ ٹپی بوگ ءِ گمان اِنت۔
ھندوستانی رسانکدر ءِ رد ءَ مساپر کشیں بالی گراب ریاست گجرات ءِ شھر اھمد آباد ءَ بالی پٹ ءِ نزیک ءَ کپتگ کہ آئی ءَ دوازدہ کارکنوکاں ھوار 250 ءَ گیش مردم سوار بیتگ۔
گیشیں ھالانی رد ءَ اے بالی گراب چہ اھمد آباد بالی پٹ ءَ لندن ءَ روگ ءَ بیتگ کہ چہ بال کنگ ءَ پنچ دمان ءَ پد کپتگ ءُ تباہ بیتگ۔
