گزہ ءَ دوشمبے ءِ روچ ءَ چہ اسرائیلی پوج ءِ تیرگواری ءَ دہ پلستینی بیران ءُ سی ءَ گیش مردم ٹپی بیتگ اَنت۔
ھالانی رد ءَ گزہ ءِ شھر ءَ اسرائیلی پوج ءَ مردمانی سر ءَ ھما وھد ءَ تیرگواری کرتگ کہ سدانی کچ ءَ مردم دو جتائیں بنجلانی نیمگ ءَ پہ کمکی سامانانی گرگ ءَ روگ ءَ بیتگ اَنت۔
اے بابت ءَ اسرائیل ءِ پوجءِ گوشگ اِنت کہ من شکی ئیں مردمے دیستگ ءُ پہ بیھار ءَ تیرگواری کرتگ۔ بلے آدگہ مردمانی گوشگ اِنت کہ اسرائیل ءِ پوج ءَ تچک ءَ شھریانی سرءَ تیرگواری کرتگ ءُ نشانگ کرتگ اَنت۔
