بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں زامران ءُ شال ءَ دو جتائیں اُرشاں زورگریں پوج ءُ آئی ءِ چیردستیں لشکر نشانگ کرتگ اَنت ، اے اُرشانی آسر ءَ پنچ کارمند مرتگ ءُ یک سروگانے ءَ ھوار باز کارمند ٹپی بیتگ۔
آئی ءَ گوشتگ که مئے سرمچاراں کیچ ءِ ھند زامران ءَ کنڈ کاپران ءَ سنگر گپتگ ءُ زورگریں پاکستانی پوج ءِ کاروان ءِ سر ءَ اُرش کرتگ ، دژمن ءِ دو گاڑی اُرش ءِ زد ءَ اتکگ که چه ایشی ءَ یک گاڑی یے سرجم ءَ تباه بیتگ ، کاروائی ءِ آسر ءَ پنچ کارمند جاھی مرتگ ءُ دگه باز ٹپی بیتگ۔
جارکش ءَ گوشتگ که ھمے وڑ ءَ مئے سرمچاراں دوشمبے ءِ روچ ءَ شال ءِ رودراتکی بائی پاس ءَ پسانی پڑی ءِ نزیک ءَ پولیس ءِ گاڑی گوں دستی بمب ءَ نشانگ کرتگ ، اِے اُرش ءَ ایس ایچ او نورالله ءَ ھوار آدگه کارمند ٹپی بیتگ اَنت.
جیھند بلوچ ءَ دوئیں اُرشانی زمه واری من اتگ ءُ گوشتگ که مئے سلاه بندیں جھد داں زورگریں ریاستی پوج ءِ درآھگ ءُ راجی آجوئی ءَ برجاه بیت۔
