نوشکے: پاکستانی پوج ءِ دست ءَ زور بیگواہ کنگ بیتگیں ابدلگنی ءِ کھول ءَ آئی یل نہ کنگ ءِبگیری ءَ چہ نوشکے پریس کلب ءِ دیم ءَ زھرشانی روانکے کشگ بیتگ۔ روانک ءَ جنین، زھگ ءُ آدگہ مردماں بازیں کچے ءَ بھر زرتگ۔
زھرشانی کنوکیں مردماں بینر، پلے کارڈ دستاں بیتگ کہ آیانی سر ءَ جتائیں اوگام نبشتہ بیتگ۔ آیاں اوگام جتگ ءُ گنی بلوچ ءِ آجوئی ءِ لوٹ کرتگ۔
آیاں لوٹ کرتگ ءُ گوشتگ کہ گنی بلوچ گوں درسیں بیگواھیں مردماں زوت آجو کنگ بہ بیت، اگاں آئی سر ءَ چونیں بھتامے ھست گڑا آمیدگس ءَ پیش کنگ بہ بیت۔
چوش کہ زور بیگواھیں ابدگنی نوشکے ءِ جاہ منند اِنت ، بلوچ اسٹوڈنٹس ایکشن کمیٹی ءِ پیشیگیں کمک سرکماش اِنت، ایم پل ءِ نودربر ءُ نیشنل ڈیموکریٹک پارٹی ءِ بنجاھی آرگنائزنگ کمیٹی ءِ باسک اِنت۔ پاکستانی لشکر ءَ ھمے سال ءِ 26مئی ءَ آوار جتگءُبیگواہ کرتگ۔
