ناروے ءِ شھر للے ھامر ءَ برجاھیں میان استمانی، انسانی ھکانی کانپرنس ورلڈ ایکسپریشن پورم (WEXFO) ءَ بلوچ یکجھتی کمیٹی ءِ سروک ڈاکٹرر ماہ رنگ بلوچ ءِ کمی سکا مارگ بوتگ۔ کانپرنس ءَ ساڑی ئیں مردماں آئی چیدگی جھگیری کرتگ ءُ آئی جاہ ھالی ءَ یل داتگ۔
آیاں تران کرتگ ءُ گوشتگ کہ ڈاکٹر ماہ رنگ بلوچ مرچی پہ انسانی ھکاں توار چست کنگ ءِ پژدر ءَ بندیگ کنگ بیتگ، ما ھمے زھرشانی ءِ پارست ءَ آئی کرسی ھالی ءَ یل کرتگ۔
اے گامگیج پہ گپ ءِ آجوئی ءُ انسانی ھکانی پھازداری ءَ توار چست کنوکیں کارکنانی گون ءَ پہ ھمدردی درشان کنگ ءَ زروگ بیتگ۔
اے کانپرنس ءَ انسانی ھکانی وکیل ایمان مزاری، اھوالکار کیا بلوچ ءُ آدگہ بازیں انسانی ھکانی کارکنان بھر زرتگ۔
