کییپ: یوکرین ءِ ڈرون اُرشاں روس ءِ باز بمب گواریں بالیگ تباہ بوتگ اَنت۔
جھانی ھالانی رِد ءَ گوستگیں روچ ءَ یوکرین ءِ لشکر ءَ گوں بمب گواریں ڈروناں روس ءِ ھند سیبری ءَ روس ءِ پوج ءِ بالی بھرگ (بزاں ائیرفورس) ءِ بازیں بُنجلے ءِ سر ءَ ارش کرتگ کہ چریشی ءِ آسر ءَ روس ءِ بازیں بمب گواریں بالیگ تباہ بوتگ اَنت۔
اے بابت ءَ یوکرین ءِ گوشگ اِنت کہ آئی ءَ روس ءِ سر ءَ یک مزنیں اُرشے کرتگ، اے اُرش ءَ روسی پوج ءِ اڈھانی نشانگ کنگ ءَ چل بالیگ تباہ بوتگ۔
اے ارش چہ روس ءُ یوکرین ءِ جنگ ءِ بندات ءَ بگر داں مروچی اچ مستریں ارشاں یکے لیکگ بوھگ ءَ اِنت۔
یوکرینی واکدارانی رِد ءَ اے ارش روس ءِ مزائِل اُرشانی پسہ ءَ کنگ بیتگ اَنت ءُ ایشی ءِ آسر ءَ باز کیمیایی بمب گواریں بالیگ ھم تباہ بوتگ.
