بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں مستونگ ءَ لیویز ءِ تھانه ءُ چوکی دستیگ کرتگ اَنت ءُ زورگریں پوج اُرشے ءَ نشانگ کرتگ ، ھمے وڑ ءَ پاکستانی پوج ءِ چریکے ءِ سر ءَ اُرش کرتگ۔
آئی ءَ گوشتگ که بی ایل اے ءِ سرمچاراں گوستگیں شپ ءَ مستونگ ءَ ولی ھان پولیس تھانه دستیگ کرتگ ، ھمے وڑ ءَ سرمچارانی دگه یک ٹولی یے ءَ شال – کراچی ءِ مزنیں شھدگ ءَ لیویز چوکی گپتگ ءُ شھدگ داں یک ادارے ءَ بستگ۔
جارکش ءَ گوشتگ که اے کاروائی ءَ سرمچاراں تھانه ءُ لشکر ءِ کارمندانی گاڑی مانداشتگ ءُ تباه کرتگ اَنت ، ھمے وڑ ءَ چه کارمنداں شش توپک پل اِتگ ، سرمچاراں دزگیر کرتگیں شش لیویز کارمند بلوچ بوگ ءِ بنیاد ءَ گوں دیمپانی دیگ ءَ یل کرتگ اَنت۔
آئی ءَ گوشتگ که بی ایل اے ءِ سرمچاراں یک شمبے ءِ شپ ءَ مستونگ ءِ ھند کڈکوچگ ءَ زورگریں پاکستانی پوج ءِ چوکی یے اُرشے ءَ نشانگ کرتگ ، اُرش داں بیست دمان ءَ گیش برجاه بیتگ ، سرمچاراں گوں وتکار ءُ ٹوھیں سلاھاں اُرش کرتگ که ایشی ءِ آسر ءَ دژمنیں پوج ءِ دو کارمند جاھی مرتگ ءُ ھمے وڑ ءَ دژمن ءَ گیش جانی ءُ مالی تاوان بیتگ.
جارکش ءَ گوشتگ که بی ایل اے ءِ سرمچاراں 27 مئی ءَ شال ءِ جی ڈی اے گراونڈ ءَ زورگریں پاکستانی پوج ءِ چریک مھمد نبی کلجی اُرشے ءَ نشانگ کرتگ که اُرش ءِ آسر ءَ سکا ٹپی بیتگ ، نشانگ کنگ بیتگیں چریک وتگڑیں تھریک جوانان پاکستان ءِ مارکور ونگ شال ءِ سروک اِنت که زورگریں پاکستانی پوج ءِ چیردستی ءَ وتگڑیں مراگش ءُ روانک برجاه دار اَنت ، چریک مھمد نبی مردماں لب ءُ بیھار دنت ءُ آیاں په پاکستانی پوج ءَ کار گِرگ ءَ ھم ھوار اِنت۔
جیھند بلوچ ءَ گوشتگ که ما تچک ءَ گوش اِیں که پاکستانی پوج ءِ چیردستی ءَ وتگڑیں مراگش ءُ روانکانی برجاه داروکیں چریک تچک ءَ مئے نشانگ ءَ اَنت ، ھمے وڑ ءَ چه لس مھلوک ءَ لوٹ اِیں که آ وت ءَ چه اِے چریکاں دور به دار اَنت دانکه چه جانی ءُ مالی تاوان ءَ به رکّ اَنت۔
