بلوچ آجوئی لوٹوکیں رھشون ءُ بی این ایم ءِ پیشیگیں سرکماش ھلیل بلوچ ءَ ماں چاگردی رسانکدر ءَ شھید پروپیسر سبا دشتیاری ءِ شھیدی سالروچ ءِ درگت ءَ نبشتگ کہ پروپیسر سبا دشتیاری بلوچ چاگرد ءِ گرانھبائیں مڈی یے کہ آئی یک سرجمیں پدریچے ءَ پہ راجی آجوئی زرمبشت ءَ سروکی کنگ ءِ سائنسی راھبندانی بنیاد پیش داشتگ۔
آئی ءَ گوشتگ کہ سبا ءِ لبزانکاری پہ بلوچ لبزانک ءَ بے مٹ اَنت۔ پاکستان ءَ پروپیسر سبا شھید کرتگ ءُ مارا چہ یک زانشتی رھشونے ءَ زبھر کرتگ، بلے آئی ھیال ءُ لیکہ آیوکیں پدریچ ءِ رھشونی ءَ کن اَنت۔
بلوچ رھشون ءَ گوشتگ کہ مرچی آئی شھیدی ءِ چاردھمی سالروچ ءِ درگت ءَ ما آئی یاتگیری ءَ سھریں دْروت ندر کن این ءُ آئی راہ ءَ جنزین ءُ راجی آجوئی ءِ گرگ ءِ کول ءَ کن ا٘یں۔
