بلوچ ریپبلکن گارڈز ( بی آر جی ) ءِ جارکش دوستین بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ دوشی مئے سرمچاراں ڈیرہ مراد جمالی ءِ ھند نسیر آباد ءَ 18 انچ ءِ گیس پائپ لائن گوں تراکناکیں شورھاں تباہ کرتگ۔
آئی ءَ گوشتگ کہ ھمے وڑ ءَ مئے سرمچاراں کشمور دگ ءَ مزاری کوٹ ءَ چہ سوئی ءَ کراچی ءَ روکیں 36 انچ ءِ گیس پائپ لائن گوں تراکناکیں شورھاں تباہ کرتگ۔
دوستین بلوچ ءَ ارشانی زمہ واری من اتگ ءُ گوشتگ کہ مئے اے وڑیں کاروائی داں بلوچستان ءِ آجوئی ءَ برجاہ بنت۔
