بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 31 مئی ءِ شپ ءِ ادار نوہ ءَ ھاران شھر ءَ ریڈزون ءَ چیریں ادارہ (ایم آئی) ءِ کارگس ءِ ڈن ءَ ساڑی ئیں کارمندانی سر ءَ ھما وھد ءَ اُرش کرتگ کہ آ چہ ماڑی ءَ ڈن تر ءُ گرد کنگ ءَ بوتگ اَنت۔ اُرش ءَ دو کارمند سکا ٹپی بوتگ
آئی گوشتگ کہ یک دگہ کاروائی یے ءَ 29 مئی ءَ بی ایل ایپ ءِ سرمچاراں کولواہ ءِ ھند شاھو باتل ءَ یک رھوتی نزامے ءِ سر ءَ اُرش کرتگ۔ اے آپریشن ءَ سرمچاراں تھنا ٹاور ءُ آئی مشین ءُ سامان تباہ نہ کرتگ اَنت بلکیں ٹاور ءِ سر ءَ جتگیں سرویلنس کیمرہ ھم سرجم ءَ تباہ کرتگ اَنت۔ دوئیں کاروائیانی گوں سوبمندی ءَ آسر کنگ ءَ پد سرمچار پہ سلامتی وتی بنَدْراں سر بوتگ اَنت۔
میجر گھرام ءَ اُرشانی زمہ واری من اِتگ ءُ گوشتگ کہ ھمے کول کن ایں کہ گل وتی راج ءِ پلہ مرزی ءَ داں بلوچستان ءِ آجوئی ءَ وتی جھد ءَ شریں وڑے ءَ برجاہ داریت ءُ زورگریں دژمن ءَ یک دمانے ھم پہ ایمنی ءَ نیل ایت۔
