بلوچستان لبریشن پرنٹ (بی ایل ایپ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 30 مئی ءَ بی ایل ایپ ءِ سرمچاراں تمپ ءِ ھند ملانٹ ءَ زورگریں پاکستانی پوج ءِ بنجل چہ سَے نیمگاں گوں راکٹ لانچر، گرنیڈ لانچر ءُ آدگہ ٹوھیں سلاھاں نشانگ کرتگ۔ اُرش داں دیر ءَ برجاہ بیتگ ءُ سرمچاراں بنجل ءِ پھازداریں سنگرانی تہ ءَ ساڑی ایں سَے کارمند کُشتگ۔ کاروائی ءِ میان ءَ پہ بنجل ءِ چاریگی ءَ جنگ بوتگیں کیمرہ تباہ کرتگ اَنت۔ اُرش ءَ پد سرمچاراں دمگ ءَ تر ءُ گرد گوں مردماں گند ءُ نند کرتگ ءُ تران کرتگ۔
آئی گوشتگ کہ ھمے روچ ءِ بیگاہ ءِ ھپت ءِ نزیک ءَ یک جتاھیں کاروائی یے ءَ مند ءِ ھند سورو بازار ءَ برجاھیں چیریں ادارہ ءِ کارگس ءِ سر ءَ دو کارمند بی ایل ایپ ءِ اسنائیپر ٹیکٹیکل ٹولی (ایس ٹی ٹی) ءَ نشانگ کرتگ اَنت۔ ایشی آسر ءَ دوئیں کارمند جاھی مرتگ اَنت۔
میجر گھرام بلوچ ءَ وتی دومی درشان ءَ گوشتگ که 31 مئی ءَ شمبے ءِ روچ ءِ ادار یازده ءِ نزیک ءَ سرمچاراں ھزدار ءِ ھند نال ءَ پڑیچ ھوٹل ءِ نزیک ءَ سنگر گپتگ ءُ ریاست ءِ سروکے ءَ جوڑ بیتگیں وتگڑیں امن پورس ءِ دو کارمند نشانگ کرتگ ، ایشی ءِ آسر ءَ دوئیں کارمند مرتگ اَنت ءُ سرمچاراں آیانی سلاه زرتگ اَنت۔
آئی ءَ گوشتگ که نال ءِ شھر ءَ ریاست ءَ نیشنل پارٹی ءِ بنجاھی سروک اسلم بزنجو ءِ زھگ شاه میر بزنجو ءِ سروکی ءَ کشنده ٹولی ءِ یک ٹولی یے بلوچ راجی زرمبشت ءِ بگیری ءَ جوڑ کرتگ ءُ آئی ءَ وتگڑیں امن پورس ءِ نام داتگ۔
جارکش ءَ گوشتگ که بی ایل ایپ امن پورس ءُ بلوچستان ءَ کشنده ٹولی ءِ درسیں سروک ءُ کارمنداں کڈن کنت که آ چه ریاست ءِ کارمرز بوگ ءَ دور به بنت اگاں نه آیاں نشانگ کن اِیں۔
آئی ءَ گوشتگ که دومی کاروائی سرمچاراں مرچی نیمروچ ءِ ادار یک ءَ هاران ءِ شھر ءَ کرتگ ، سرمچاراں ھاران ءِ شھر ءَ شاھوانی چاراه ءِ نزیک ءَ دگ ءَ بندوکیں پولیس کارمند دزگیر کرتگ اَنت ءُ آیانی سرکاری سلاه پل اِتگ اَنت ءُ بلوچ بوگ ءِ سوب ءَ کڈن کنگ ءَ پد گوں شرپ ءَ یل کرتگ اَنت۔
میجر گھرام بلوچ ءَ دوئیں اُرشانی زمه واری من اتگ ءُ گوشتگ که درسیں مردماں کڈن کن اِیں که چہ زورگریں ریاست ءِ دست ءَ کارمرز بوگ ءَ دور به بنت اگاں نه گوں آیاں ھم دژمنیں لشکر ءِ وڑ ءَ کنگ بیت۔
