بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که 29 مئی ءَ روچ ءِ ادار دو ءِ نزیک ءَ بی ایل ایپ ءِ سرمچاراں جیمڑی ءِ تیاب دپی ھند سونڈی ءَ کوسٹ گارڈ ءِ برجاھیں چوکی ءِ سر ءَ ھما وھد ءَ اُرش کتگ که آئی ءِ کارمند چه دمگ ءِ دریاوَرداں زوریں باج گرگ ءَ بیتگ اَنت، اِے اُرش ءَ کوسٹ گارڈ ءِ دو کارمند مرتگ، سرمچاراں مرتگیں کارمندانی توپگ ءُ آدگه پوجی سامان زرتگ ءُ گوں وت ءَ برتگ اَنت. مرتگیں کارمندانی نام اَنسر ءُ اِپتکار شاه اِنت، اِے کاروائی بی ایل ایپ ءِ ٹیکٹیکل کمبیٹ یونٹ ءِ تیز گامیں سرمچاراں کتگ.
آئی ءَ گوشتگ که بی ایل ایپ ءِ سرمچاراں دگه یک اُرشے ءَ 29 مئی ءَ واشک ءِ ھند سُکن ، دشتُک ءَ زورگریں پاکستانی پوج ءِ نیم لشکری ٹولی پرنٹیئر کور (ایپ سی ) ءِ کاروانے ھما وھد ءَ گوں چیر کتگیں شورھاں نشانگ کتگ که اِے رستریں پوج ھمے دمگ ءُ کش ءُ کراں لشکرکشی کنگ ءَ پد کاروانے ءِ دروشم ءَ وتی بنجل ءِ نیمگ روگ ءَ بیتگ. بمب تراک ءَ ایپ سی ءِ کاروان ءَ ھواریں پوجی گاڑی یے سرجم ءَ تباه بیتگ ءُ گاڑی ءَ سواریں درسیں کارمند مرتگ ءُ ٹپی بیتگ اَنت.
میجر گھرام بلوچ ءَ دوئیں اُرشانی زمه واری من اتگ ءُ گوشتگ که دژمن ءَ کڈّن کن اِیں که بی ایل ایپ ءِ سرمچار بلوچستان ءَ گام په گام ءَ چو مرگ ءَ دیم په دیم بوگ ءَ جاڑی اَنت۔
