بلوچستان لبریشن پرنٹ ( بی ایل ایپ ) ءِ جارکش گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں گل ءِ چیریں بھرگ ءِ ھال دیگ ءِ بنیاد ءَ بیست ءُ ھشت مئی ءِ شپ ءِ نوہ ءَ شوربندی ءِ پارست ءَ ھاران شھر ءَ ریڈزون ءَ یک سوبمندیں ارشے کرتگ۔ کاروائی دو ھیکولر موبائل یونٹانی بگیری ءَکنگ بیتگ کہ چیریں ادارھانی پیلڈ انٹیلی جنس ٹولیانی بنیاد ءَ ھواری ءَ تر ءُ گرد کنگ ءَ بیتگ اَنت۔
آئی ءَ گوشتگ کہ بندات ءَ بیٹل ڈیمیج اسیسمنٹ (BDA)پارست ءَ کاروائی کرتگ ءُ دو کارمند جاھی مرتگ ءُ سے سکا ٹپی بیتگ۔ دژمن ءِ یک گاڑی یے سرجم ءَ تباہ بیتگ ءُ دومی گاڑی کمیں تاوان بیتگ۔ ارش ءَ پد ریاستی لشکر ءَ زوت لشکرکشی بندات ، چہ ایشی ءَ ھاران شھرءِ روگ ءُ آھگ ءِ دگ بستگ اَنت ءُ شھری گوں ترندی ءَ پٹ ءُ پول کرتگ اَنت۔
جارکش ءَ گوشتگ کہ بی ایل ایپ ءِ سرمچار چہ کاروائی ءَ پد گوں جوانیں شوربندیانی بنیاد ءَ چہ ارش جاہ ءَ درکپگءُ وتی مھکمیں بندراں روگ ءَ سوبین بیتگ اَنت۔
میجر گھرام ءَ ارش ءِ زمہ واری من اتگ ءُ گوشتگ کہ شھری آبادیاں کڈن کن ایں دژمن پوج ءِ سرءَ سرمچارانی چونیں ھم ارش یا گوں آیاں میڑ ءِ میان ءَ چہ زورگریں لشکر ءِ نیمگ ءَ تیرگواریاں دور دارگ ءِ جھد ءَ بہ کن اَنت۔
