پہ اھولکارانی پھازداری ءَ کارکنوکیں میان استمانی گل کمیٹی ٹو پروٹیکٹ جرنلسٹس “سی پی جے” ءَ گوں پاکستان سرکار ءَ لوٹ کرتگ کہ آ بلوچستان ءَ 24 مئی ءَ کشگ بیتگیں اھوالکار لتیپ بلوچ ءِ بابت ءَ پٹ ءُ پول بہ کنت ءُ کوش ءَھواریں مردماں جست بہ کنت۔
سی پی جے ءِ رد ءَ پجار نہ بوتگیں سلاہ بندیں مردم 24 مئی ءِ سھب ءَ آواران ءِ ھند مشکے ءَ لتیپ بلوچ ءِ گس ءَ پترتگ ءُ تیرگواری کرتگ ءُ لتیپ ءَ چار تیراں سپتگ۔ اے بابت ءَ پولیس ءِ گوشگ اِنت کہ جست ءُ پرس برجاہ اِنت انگت ءَ کوش ءِ سوب زانگ نہ بیتگ۔
بلے اے بابت ءَ سیاسی ءُ چاگردی بھرگانی گوشگ اِنت کہ اھوالکار لتیپ بلوچ ءَ پاکستانی پوج ءَ تیرگواری کرتگ ءُ کشتگ۔
چوش کہ اھوالکار لالا لتیپ بلوچ ءَ پیش پاکستانی پوج ءَ آئی زھگ ءَ ھوار کھول ءِ ھشت ورنا آوار جتگ ءُ پد ءَ آیانی لاش جتائیں وھداں چگل داتگ اَنت۔
