موساکیل؛ راڑہ شم ءَ پاکستانی پوج ءَ دیم پہ دیمی میڑے ءَ چار سلاہ بندیں مردمانی کشگ ءِ ٹاپار جتگ۔
پاکستانی پوج ءِ جارکش ءَ ماں رسانکدر ءَ وتی شنگ کرتگیں درشانے ءَ گوشتگ کہ موساکیل ءِ ھند راڑہ شم ءَ سلاہ بندیں مردم شھدگ ءَ بمب کل کنگ ءَ بوتگ اَنت کہ کاروائی کرتگ ھمے میان ءَ پوج ءُ سلاہ بندیں مردمانی میان ءَ میڑے بوتگ۔ میڑ ءَ چار سلاہ بندیں مردم جتگ۔ چہ کشگ بوتگیں مردماں سلاہ ءُ بمب دزکپتگ۔
پاکستانی پوج ءِ جارکش ءَ گوشتگ کہ جنگ بوتگیں مردمانی سر ءَ جتاھیں کاروائیانی کیس بوتگ ءُ آیانی انوگیں نشانگ مساپر بس ءُ پاکستانی پوج ءِ چوکی بوتگ اَنت۔
میڑ ءَ کشگ بوتگیں مردمانی نام اکبر بزدار، سلیمان بزدار، ملک اھمد بزدار ءُ بھت مھمد بزدار اِنت کہ آیانی بابت ءَ گوشگ بوگ ءَ اِنت کہ آ پیسر ءَ پاکستانی لشکر زوربیگواہ کرتگ اَنت ءُ دوشی دروگیں میڑ ءَ کشتگ اَنت۔
