بلوچ وومن پورم ءِ نیمگ ءَ شنگ کرتگیں جارے ءَ گوشگ بیتگ کہ بلوچ پُسگانی ناھکیں کوش ءِ بگیری ءَ باندا بزانکہ 28 مئی 2025 آواران ءَ ھڑتال ءِ جار ءَ جن این ءُ گوں آواران ءِ باسمائیں لس مھلوک ءَ ھمراھداری کنگ ءِ لوٹ ءَ کن ایں۔
آئی ءَ گوشتگ کہ بلوچ وومن پورم بُنجاھی جار ءِ رِد ءَ بلوچ پُسگانی ھمک روچ ءَ جنگ ءُ کُشگ ءُ آیانی ژانگولیں جونانی دور دیگ ءِ بگیری ءَ باندا آواران ءَ ھڑتال ءِ جار جنگ بیتگ۔
آئی ءَ گوشتگ کہ دوشی چہ ریاستی ادراھانی نیمگ ءَ تیر گواری ءَ مالار مچی ءَ دو مردم نمیران بوتگ کہ آیانی تہ ءَ یک جنینے بیران ءُ دگہ یک جنینے ٹپی بیتگ، آیانی کھولاں لاش زرتگ اَنت ءُ ریاستی زوراکی ءِ بگیری ءَ زھرشانی کنگ ءَ اَنت۔ ماں گوں آواران ءِ مھلوک ءُ ھاس دکاندار ءُ کاروباری مردماں دزبندی کن ایں کہ بی ڈبلیو ایپ ءِ جار ءِ پلہ مرزی ءَ بہ کن اَنت ءُ کھول ءِ توار جوڑ بہ بنت ءُ بانداتیں ھڑتال ءَ سوبمند بہ کن اَنت۔
