آواران: کولواہ ءَ چہ زورگریں پاکستانی لشکر ءِ زوراکیاں جنینے ءَ ھوار دو مردم بیران ءُ یک جنینے سکا ٹپی بیتگ۔
بنشون ءِ رد ءَ بیران بیتگیں مردمانی نام نئیم سنجر ءُ ھوری ء کاسم اِنت ءُ نئیم ءِ مات دادی بلوچ سکا ٹپی بیتگ۔ زورگریں پاکستانی لشکر ءَ دوشی ادار یک ءَ مالار ءِ میتگ مچی ءَ بیڑ برتگ ءُ گوں مردماں زوراکی کرتگ۔
ھندی مردمانی گوشگ اِنت کہ زورگریں لشکر ءَ ٹپی بیتگیں جنین پہ درمان کنگ ءَ دوشی نادراھجاہ ءَ برگ نہ اشتگ ءُ مرچی سھب ءَ آواران نادراھجاہ ءَ برگ بیتگ۔ زورگریں پاکستانی لشکر ءَ دوشی مالار مچی ءَ دگہ باز گساں بیڑ برتگ ءُ گوں مردماں زوراکی کرتگ۔
چوش کہ زورگریں پاکستانی لشکرءِ نیمگ ءَ ھمے دہ روچانی میان ءَ اے چارمی ناشریں کاروائی اِنت کہ ایشانی آسر ءَ پنچ بے میاریں مردم کشگ بیتگ اَنت۔
