شال: وائس پار بلوچ مسنگ پرسنز ( وی بی ایم پی ) ءِ سرکماش نسر اللہ بلوچ ءَ وتی شنگ کرتگیں درشانے ءَ گوشتگ کہ ھدا ءِ شکر اِنت ماما گھتر اِنت ءُ نوں جاندراہ بوگ ءَ اِنت۔
آئی ءَ گوشتگ کہ راج ءِ مزن شانیں سروک، نزورانی توار، وی بی ایم پی ءِ کمک سرکماش ماما کدیر بلوچ ءِ تب روچ پہ روچ گھتر بوگ ءَ اِنت۔ آ اے وھد ءَ چہ نادراھجاہ ءَ درمان دیگ ءَ پد وتی پت ءُ پیروکی ھنکین سوراب ءَ ایمن اِنت۔
نسر اللہ بلوچ ءَ گوشتگ کہ ماما کدیر ءِ جاندراھی تھنا یک مردمے ءِ جاندارھی ءِ ھال نہ اِنت بلکیں سرجمیں راج ءِ جھد ءِ توانمندی اِنت۔
آئیءَ گوں راج ءَ لوٹ کرتگ ءُ گوشتگ کہ دواھانی تہ ءَ یاد بہ کن اِت ءُ ماما کدیر سرجم ءَ جاندراہ بیتءُ آئی امر مزن بات۔
