بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ 24 مئی 2025 ءِ سھب ءِ ادار نوہ ءَ بی ایل ایپ ءِ آجوئی لوٹوکیں سرمچاراں کولواہ گیشکور ءِ ھند ساجدی بازار ءَ پاکستانی لشکر ھما وھد ءَ گوں بمب ءَ نشانگ کرتگ کہ دژمنیں لشکر ءِ چار کارمند پہ لشکر ءِ کاروان ءِ گاڑیانی پھازداری ءَ دگ ءَ بمب چارگ ءَ بوتگ اَنت کہ ھمے جاہ ءَ سر بوتگ اَنت چہ ایشاں پیسر ءَ سنگر گپتگ ءُ نشتگیں سرمچاراں بمب کل کرتگ ءُ آیانی ودار ءَ اَنت۔ بمب تراک ءَ دو کارمند جاھی مرتگ ءُ دو سکا ٹپی بوتگ۔ مرتگیں کارمندانی تہ ءَ یکے نائیک ولی سجان ھوار اِنت کہ آ نوشھرہ ءِ جھمنند اِنت۔
آئی گوشتگ چوش کہ زورگریں پاکستانی لشکر ءُ آدگہ لشکری کارمند سرجمیں بلوچستان ءَ گوں سرمچاراں میڑ ءَ جنگ بوتگیں کارمندانی کچ ءُ ناماں مدام چیر دئے اَنت۔
جارکش ءَ کولواہ بمب اُرش ءِ زمہ واری من اِتگ ءُ گوشتگ کہ لشکر ءِ تہ ءَ نوکری کنوکیں پشتون، سرائیکی ءُ سندی کارمنداں گوشگ لوٹ ایں کہ آ بلوچ چکچینی ءَ پنجاپی جنرلانی ھمراھداری ءَ مہ کن اَنت ءُ بلوچستان ءَ آھگ ءَ مکن بہ کن اَنت۔
جارکش ءَ درشان ءِ گڈی ءَ گوشتگ کہ کولواہ ساجدی بازار ءَ پاکستانی لشکر ءِ سر ءَ بمب اُرش ءِ تامر زوت چہ بی ایل ایپ ءِ رسانکدری جاہ آشوب ءَ شنگ کنگ بیت۔
