بلوچ لبریشن آرمی ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل اے ءِ سرمچاراں کلات ءُ کولواه ءَ سے جتائیں اُرشاں زورگریں پاکستانی لشکر ءُ چاریگی کیمره نشانگ کرتگ اَنت.
آئی ءَ گوشتگ که بی ایل اے ءِ سرمچاراں مرچی کلات ءِ ھند منگچر ءَ پاکستانی لشکر ءِ کاروان ءَ ھواریں گاڑی یے گوں چیرکرتگیں شورھاں نشانگ کرتگ ، اُرش ءَ پد زورگریں پاکستانی لشکر ءِ کمکی کارمند ھمے ھند ءَ سر بیتگ اَنت ، ھمے کاروان واتر بوگ ءِ وھد ءَ یکبرے پد ءَ گوں چیرکرتگیں شورھاں نشانگ کرتگ ، دوئیں اُرشاں زورگریں لشکر ءِ کم چه کم پنچ کارمند مرتگ ءُ نو ٹپی بیتگ ، ھمے وڑ ءَ دوئیں گاڑی سکا توان بیتگ اَنت۔
جارکش ءَ گوشتگ که بی ایل اے ءِ سرمچاراں دگه یک کارے ءَ 22 مئی ءَ کیچ ءِ ھند کولواه ، گٹ ءِ کور ءَ زورگریں پاکستانی لشکر ءِ جتگیں دو چاریگی کیمره نشانگ کرتگ ءُ تباه کرتگ اَنت.
جیھند بلوچ ءَ درشان ءِ گڈی ءَ دوئیں اُرشانی زمه واری من اتگ۔
