ھزدار: بلوچی زبان ءِ نامداریں شائرءُ بی این ایم ءِ کلانھیں باسک زور بیگواھیں سید ھاسل ھسرت ءِ مات زلیکہ بیران بیتگ۔
زور بیگواھیں ھاسل ھان ھسرت ء ملا ابدرھمان جاھو، ملائی گزی ءِ جاہ منند اِنت کہ یازدہ سال پیش زورگریں پاکستانی لشکر ءَ 19 پروری 2014 ءَ چہ ملائی گزی ءَ آوار جتگ ءُ بیگواہ کرتگ اَِت۔ زور بیگواھیں ھاسل ھان ھسرت ءِ مات بی بی زلیکہ یازدہ سال اِنت کہ پہ وتی زھگ ءِ آجوئی ءَ رھچار بیتگ آ مرچی سھب ءَ بیران بیتگ۔
چوش کہ پاکستانی لشکر ءَ 19 پروری 2014 ءَ چہ جاھو گزی ءَ ھاسل ھان ھسرتءُ دولت ھان ء ابدلکریم ءَ ھوار پنجاہ مردم آوار جتگ اَت، آدگہ درسیں مردم جتائیں وھداں آجو بیتگ اَنت ھاسل ھان ھسرت ءُ دولت ھان انگت بیگواہ اَنت۔
