ھزدار: زیروپوائنٹ ءِ نزیک ءَ بسے ءِ سر ءَ بمب تراک ءَ زھگاں ھوار پنچ مردم بیران ءُ چل مردم ءَ گیش ٹپی بیتگ۔ تراک ءِ آسر ءَ بس سرجم ءَ تباہ بیتگ۔
ھزدار ءِ دمگدار ءِ رد ءَ بس ءِ سر ءَ بیتگیں بمب تراک وتکش ارشے بیتگ۔
ٹپی بیتگی مردم پہ درمان کنگ ءَ نادراھجاہ ءَ دیم دیگ بیتگ اَنت کہ چہ آیاں باز زھگءِ جاور ناگیگ اَنت۔
ارش ءَ پد پاکستانی لشکر ءِ کارمند بازیں کچے ءَ ارش جاہ ءَ سر بیتگ اَنت ءُ آیاں سرجمیں ھند انگر کرتگءُ پٹ ءُ پول بندات کرتگ۔
