لسبیلہ: ھب چوکی ءَ پولیس ءُ چیریں ادارھانی کارمنداں لاسی دگ ءَ مسلم وانگجاہ ءَ چکاس جاہ ءَ بیڑ برتگ ءُ زور بیگواھیں انسانی ھکانی کارکن راشد ھسین ءِ برازتک ماہ زیب بلوچ ءِ دزگیر کنگ ءِ جھد کرتگ۔
بنشون ءِ رد ءَ پولیس ءُ سادگ پوشاکیں کارمنداں چکاس جاہ انگر کرتگ ءُ ماہ زیب بلوچ ءِ دزگیر کنگ ءِ جھد کرتگ، چہ آدگہ نودربر ءُ استادانی کمک ءَ ماہ زیب درکپتگ۔
چہ پولیس ءِ نیمگ ءَ گوشگ بیتگ کہ ماہ زیب بلوچ ءِ بگیری ءَ تھری ایم پی او ءِ پارست ءَ ایپ آئی آر کنگ بیتگ ءُ پہ آئی دزگیری ءَ کاروائی کنگ بوگ ءَ اِنت۔
