بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که یازده مئی ءِ شپ ءِ ھشت ءُ چل ءَ بی ایل ایپ ءِ سرمچاراں کیچ ءِ بنجاھی شھر تربت ءَ زورگر ءِ دریائی بنجل ءِ سر ءَ اُرش کرتگ ، سرمچاراں ساری ءَ نیوی بنجل ءِ پھازداریں چوکیانی دیم ءَ اوشتاتگیں کارمند نشانگ کرتگ اَنت که ایشی ءِ آسر ءَ یک کارمندے جاھی مرتگ ، چه ایشی ءَ پد سرمچاراں چه سے نیمگاں نیوی بنجل ءِ ته ءَ جتائیں نشانگانی سر ءَ گرنیڈ لانچر ءِ باز گولا آس داتگ که دژمن ءَ گیشتر تاوان بیتگ.
آئی ءَ گوشتگ که اُرش ءِ میان ءَ نیوی ءَ چاریگی ڈرون بال داتگ که سرمچاراں تیرگواری کرتگ ءُ ڈرون ھم نشانگ کرتگ ، دومی نیمگ ءَ دژمنیں لشکر ءَ سرمچارانی انگر کنگ ءِ جھد کرتگ که سوھوئیں سرمچار گوں چیرجنگی کارشونی ءَ کاروائی ءَ پد درکپتگ اَنت گوں سوبمندی ءَ وتی مھکمیں بندراں سر بیتگ اَنت ، زورگریں لشکر ءُ پولیس ءَ وتی مدامی ھیل ءِ رد ءَ دگ بستگ ءُ لس مردمانی جنجال کنگ بندات کرتگ۔
جارکش ءَ گوشتگ که یازده مئی ءِ شپ ءِ ادار شش ءِ نزیک ءَ جاھو ، نونڈره کچ ءَ زورگریں لشکر ءِ چوکی ءِ سر ءَ بی ایل ایپ ءِ سرمچاراں آر پی جی ءِ بازیں گولا آس داتگ ءُ نوکیں سلاه کارمرز ھم کرتگ اَنت ، سرمچارانی اُرش ءِ پسّو ءَ دژمنیں لشکر ءَ وتی مدامی وڑءَ نزیکیں میتگانی سر ءَ چه جتائیں نیمگاں مارٹر گولا آس داتگ ءُ لس آبادی نشانگ کرتگ اَنت۔
آئی ءَ گوشتگ که سیمی کاروائی ءَ بی ایل ایپ ءِ سرمچاراں آواران ءِ ھند مالار ، مچی ءَ دژمنیں لشکر ءِ چوکی اُرشے ءَ نشانگ کرتگ ،که سرمچاراں گوں اسنائپر ءَ دژمن ءِ یک کارمندے نشانگ کرتگ ءُ جاھی کشتگ۔
میجر گھرام بلوچ ءَ سئیں اُرشانی زمه واری من اتگ ءُ گوشتگ که داں بلوچستان ءِ آجوئی ءُ زورگریں لشکر ءِ در بوگ ءَ جنگ ءِ برجاه دارگ ءِ کول ءَ کن اِیں۔
