بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں کراچی، تمپ ءُ کلات ءَ سے جتائیں کاروائیاں زورگریں لشکر ، پولیس ءُ رینجرز نشانگ کرتگ۔
آئی ءَ گوشتگ کہ بی ایل ایپ ءِ سرمچاراں دوشی کراچی ءِ ھند ملیر، کالا بورڈ ءَ سند رینجرز ءِ برجاھیں چوکی ءِ سر ءَ گوں دستی بمب ءَ اُرش کرتگ ۔ اُرش ءِ آسر ءَ آیاں جانی ءُ مالی تاوان بیتگ۔
جارکش ءَ گوشتگ کہ دگہ یک اُرشے ءَ سے مئی ءَ شپ ءِ ھپت ءُ پنجاہ ءَ بی ایل ایپ ءِ سرمچاراں کیچ ءِ ھند تمپ کلاھو ءَ زورگریں پاکستانی لشکر ءِ چوکی ءِ سر ءَ گوں ٹوھیں سلاھاں اُرش کرتگ۔ کہ ایشی ءِ آسر ءَ زورگریں لشکر ءَ جانی ءُ مالی تاوان بیتگ۔
آئی ءَ گوشتگ کہ دگہ یک کاروائی یے ءَ بی ایل ایپ ءِ سرمچاراں کلات ءَ دربار دگ ءَ پولیس تانہ ءِ سر ءَ دستی بمب اُرش کرتگ کہ دستی بمب تانہ ءِ تہ ءَ کپتگ ءُ پولیس ءَ کمو تاوان بیتگ۔
میجر گھرام بلوچ ءَ اُرشانی زمہ واری من اِتگ ءُ گوشتگ کہ مئے کاروائی ءُ جھد داں بلوچستان ءِ آجوئی ءَ یکشل ءَ برجاہ بنت۔
