تربت: ڈنک ءَ گوں پاکستانی لشکر ءَ میڑ ءَ جنگ بوتگیں سئیں مردم پجارگ بوتگ اَنت۔
بنشون ءِ رد ءَ 29 اپریل ءِ شپ ءَ پاکستانی لشکر ءِ کاروان ءِ سر ءَ بوتگیں اُرش ءَ پد دیم پہ دیمی میڑ ءَ جنگ بوتگیں سَئیں مردمانی نام نبیل اھمد ء رسول بکش ھوت، زکا اللہ سنگھور ء الی سنگھور ءُ پیروز پنام ساربان ء اللہ بکش اِنت۔
نبیل اھمد ءُ زکا اللہ سنگھور گوگدان ءِ جھمنند اَنت ءُ پیروز آپسر ڈاکی بازار ءِ جھمنند اِنت۔ سَئیں مردمانی لاش انگت پاکستانی لشکر ءِ دست ءَ اَنت ءُ آیانی لاشاں کھولاں دیگ ءَ نہ اِنت۔
جنگ بوتگیں مردمانی بابت ءَ گوشگ بوگ ءَ انت کہ بلوچ آجوئی لوٹوکیں سلاہ بندیں گل ءِ باسک اَنت ءُ دو روچ پیش آیاں سنگر گپتگ ءُ پاکستانی لشکر ءِ کاروان ءِ سر ءَ ٹوھیں اُرشے کرتگ.
میڑ ءَ بازیں کچے ءَ پاکستانی لشکر ءِ کارمند مرتگ ءُ ٹپی بوتگ اَنت۔ بلے اے بابت ءَ انگت چہ سلاہ بندیں گلانی نیمگ ءَ ھچ وڑیں درشان دیم ءَ نیاتکگ۔
