شال: سی ٹی ڈی ءَ میڑ ءَ دو سلاہ بندیں مردم ءِ کشگ ءِ ٹاپار جتگ۔
سی ٹی ڈی ءَ وتی شنگ کرتگیں درشانے ءَ گوشتگ کہ شال ءِ ھند درکشان ءَ کاروائی کرتگ۔ ھمے میان ءَ سی ٹی ڈی ءُ سلاہ بندانی میان ءَ میڑے بوتگ داں یک ادارے ءَ تیرگواری ءَ یک سلاہ بندیں مردمے تیر جتگ کُشتگ ءُ دومی مردم ءَ وت ءَ گوں بمب ءَ تراکینتگ۔
آئی گوشتگ کہ کاروائی ءَ پد چہ کُشگ بوتگیں مردماں یک وتکش جیکٹے، بازیں کچے ءَ تراکناکیں شورہ، گولا ءُ دگہ سلاہ دزکپتگ۔
چوش کہ چہ ایشی ءَ پیش ھم سی ٹی ڈی ءَ دروگیں میڑ ءِ نام ءَ زوربیگواہ کرتگیں مردم کُشتگ اَنت ءُ پد آ سلاہ بندیں گلانی باسک پدّر کرتگ اَنت۔ مرچی کشگ بوتگیں دوئیں مردمانی بابت ءَ انگت ھچ وڑیں سرپدی دیم ءَ نہ آتکگ ءُ سی ٹی ڈی ءَ ھم آیانی پجار نہ کرتگ۔ گمان بیت کہ اے دوئیں مردم ھم پیسر ءَ زوربیگواھیں مردم بنت۔
