شال: پہ زور بیگواھیں مردمانی آجوئی ءَ توار چست کنوکیں گل وی بی ایم پی ءَ ماں رسانکدر ءَ وتی شنگ کرتگیں درشانے ءَ گوشتگ کہ زور بیگواھیں گل میر سمالانی، وھید اھمد سمالانی ءُ سیزدہ سالیگیں ابدرھمان سمالانی کھول ءَ آیانی کیس گل ءِ کِر ءَ یاداشت کرتگ۔
آئیءَ گوشتگ کہ کھول ءِ گوشگ اِنت گل میر ء ٹکری کشمیر ھان سمالانی، وھید اھمد سمالانی ء گل میر ءُ ابدرھمان سمالانی ء سید میر ھان ءَ سی ٹی ڈی ءُ آدگہ لشکری ادارھانی کارمنداں چہ شال کلی ابڑو سریاب ءَ 16 ءُ 17 اپریل ءِ میانی شپ ءَ گس ءَ بیڑ برتگ ءُ آوار جتگ ءُ بیگواہ کرتگ کہ انگت ءَ کھولءَ آیانی بابت ءَسرپدی دیگ ءَ نہ اَنت چہ ایشی ءَ کھول سکا رنجانی دیمپان اِنت۔
کھول ءَ گوں سرکار ءَ لوٹ کرتگ کہ پہ مئے آزیزانی آجوئی ءَ دلجمی بہ دنت ءُ مارا چہ اندوھاں بہ کش ایت۔
