بارکان/ڈاڈر : زورگریں پاکستانی لشکر ءِ دست ءَ پنچ مردم بیگواہ کنگ بوتگ ءُ شش بیگواھیں مردم آجو بوتگ۔
بنشون ءِ رد ءَ زورگریں پاکستانی لشکر ءَ سَے اپریل ءَ چہ بارکان رکنی ءِ بازار ءَ چمالنگ ڈھڈر ءِ جاہ منندیں پنچ مردم آوار جتگ ءُ بیگواہ کرتگ کہ درسیں مھمدانی مری اَنت۔ چہ آیاں پاکستانی لشکر ءَ بکتیار ء میانداد باز آزار داتگ ءُ ھپت روچ ءَ پد یل داتگ کہ آئی ٹپانی درد نہ سگ اِتگ اَنت ءُ بیران بوتگ۔ آدگہ چاریں مردم انگت بیگواہ اَنت کہ چہ آیاں یکے ءِ نام موسا ء میانداد اِنت ءُ سَے مردم انگت پجارگ نہ بوتگ۔
دومی نیمگ ءَ چار اپریل ءَ ڈاڈر دوزان ءَ پاکستانی لشکر ءِ دست ءَ آوار جنگ بوتگیں مھمد اُمر ء مھمد انور، ابدلوھاب ء گلام سرور، سراج اھمد ء پاھند ھان، بسم اللہ ء گلام سرور، شاہ جان ء پاھند ھان ءُ سدام ھسین ء سائیں داد آجو بوتگ ءُ وتی گس ءَ سر بوتگ اَنت۔
ایشانی آجوئی ءِ گپ بی وای ایم پیءَ راست کرتگ ءُ ماں چاگردی رسانکدر ءَ آیانی اکس ھم شنگ کرتگ۔
