شال: بلوچ یکجھتی کمیٹی ءِ گوشگ اِنت کہ ڈاکٹر ماہ رنگ بلوچ، سبگت اللہ شاہ جی، بیبگر بلوچ، گلزادی بلوچ، بیبو بلوچ ءُ آدگہ سْیاسی کارکنانی درکانودی دزگیر کنگ ءِ بگیری ءَ آیانی کھولاں شال پریس کلب ءِ دیم ءَ زھرشانی گدانے جتگ۔
آئی گوشتگ کہ زھرشانی گدان ءِ مول ریاستی زوراکیانی بگیری ءَ توار چست کنگ ءُ پہ بی وائی سی ءِ سروکانی زوتیں آجوئی ءِ لوٹ کنگ اِنت۔ سْیاسی کارکنانی درکانودی آوار جنگ ءُ زندانی کنگ انسانی ھکانی ناھکیں بگیری اِنت۔
آئی گوشتگ کہ ما شال ءِ درسیں بھرگاں سیادی داروکیں مردم، سْیاسی ءُ چاگردی کارکن، انسانی ھکانی کارکن ءُ گوں شھریاں لوٹ کن ایں کہ آ زھرشانی گدان ءَ بیا اَنت ءُ گوں کھولاں ھمراھداری بہ کن اَنت۔
