بلوچستان لبریشن پرنٹ ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں کیچءِ ھند زامران ءَ زورگریں پاکستانی لشکر ءِ سر ءَ ارش کرتگ ءُ جانی ءُ مالی تاوان داتگ۔
آئی ءَ گوشتگ کہ پانزہ اپریل ءَ بیگاہ ءِ پنچ ءُ بیست ءَ بی ایل ایپ ءِ سرمچاراں زامران ءِ ھند سادیم ءَ برجاھیں زورگریں پاکستانی لشکر ءِ چوکی گوں نوک ءُ مزنیں سلاھاں نشانگ کرتگ۔ ایشی آسر ءَ زورگریں لشکر ءِ جانی ءُ مالی تاوان بیتگ۔
جارکش ءَ گوشتگ کہ ارش ءَ پد پروش وارتگیں لشکر ءِ نیمگ ءَ 13 مارٹر گولا آس دیگ بیتگ ءُ سکا تیرگواری کنگ بیتگ، بلے بلوچ سرمچار ارش ءَ پد پہ سلامتی درکپگ ءُ وتی بندراں روگ ءَ سوبین بیتگ اَنت۔
میجر گھرام ءَ ارش ءِ زمہ واری من اتگ ءُ گوشتگ کہ داں بلوچستان ءِ آجوئی ءَ زورگریں لشکر ءُ آئی لشکری شوربندیاں نشانگ کن ایں۔
