سبی: زورگریں پاکستانی لشکر ءَ شال ءِ جھمنندیں دو مردم آوار جتگ۔
بنشون ءِ رد ءَ زوربیگواہ کرتگیں مردمانی نام مھمد مدسر ء مھمد زاھر ءُ مدسر ء منزور اِنت کہ آ شال ءِ جھمنند اَنت ءُ پہ پکنک ءَ سبی ءَ شُتگ اَنت واتری ءَ پاکستانی لشکر ءَ آوار جتگ اَنت۔
زوربیگواہ کرتگیں مدسر ءِ برات مھمد یاسر ءَ گوشتگ کہ منی برات مدسر وتی سنگت مدسر منزور ءِ ھواری ءَ سبی ءَ پکنک ءَ شُتگ ءُ یازدہ مارچ ءَ واتر گس ءَ آھگ ءَ بوتگ اَنت چہ راہ ءَ بیگواہ کنگ بوتگ اَنت۔
آئی گوشتگ کہ ما باز پٹ ءُ لوٹ کرتگ بلے انگت آیانی بابت ءَ مارا ھچ وڑیں سرپدی نیست۔
