بلوچ نیشنل موومنٹ ( بی این ایم ) ءِ بنجاھی سرکماش ڈاکٹر نسیم بلوچ ءَ ماں چاگردی رسانکدر ایکس ءَ بی وائی سی ءِ سروک ڈاکٹر سبیہ بلوچ ءِ پت ءِ آؤار جنی ءِبابت ءَ آئی پوسٹ ءِ سر ءَ نبشتگ کہ ڈاکٹرسبیہ بلوچ ءِ پت ءِ آوار جنی ءُ بیگواھی پاکستان ءِ بلوچستان ءَ مچی سزا ءِ ترندیں شوندات ءِ بھر اِنت۔ وھدے کہ ریاست گھگیری کنوکانی تواراں داشت نہ کنت گڑا آیانی کھولاں نشانگ کنت۔
آئی ءَ گوشتگ کہ پہ سرجمیں راج ءِ دارگ ءَ اے رستری کار ءَ کنگ ءَ اِنت۔ ریاست بلوچستان ءَ ھمے ھیلہ ءَ کارگرگ ءُ کھولاں آزار دیگ ءَ اِنت دانکہ آدگہ کھولاں بے توار بہ کنت۔
ڈاکٹر نسیم بلوچ ءَ گوشتگ کہ اے زوریں بیگواھی دراجکشیں زوراکیاں پیش دار ایت، اود ءَ ھزارانی کچ ءَ بلوچ ءِ مرد ءُ جنین ءُ دانکہ زھگ آوار جنگ ءُ بیگواہ کنگ بوگ ءَ اَنت۔
