نوشکے: گلنگور ءَ پجار نہ بوتگیں سلاہ بندیں مردماں پاکستانی لشکر ءِ مزنیں بنجل ءِ سر ءَ ارش کرتگ ءُ بنجل دستیگ کرتگ۔
بنشون ءِ رد ءَ دوشی سلاہ بندیں مردماں بازیں کچے ءَ پاکستانی لشکر ءِ مزنیں بنجل چہ جتاھیں نیمگاں نشانگ کرتگ۔ داں سَے اداراں ترندیں تیرگواری ءُ تراکانی توار برجاہ بوتگ اَنت ءُ بازیں کچے ءَ پاکستانی لشکر ءِ کارمند مرتگ اَنت۔ سلاہ بندیں مردماں بنجل دستیگ کرتگ ءُ پاکستانی لشکر ءِ سلاہ ءُ سامان برتگ انت۔
ھمے میان ءَ پہ پاکستانی لشکر ءِ کمک ءَ آیوکیں کاروان ءِ سر ءَ ھم سلاہ بندیں مردماں ترندیں اُرشے کرتگ کہ پاکستانی لشکر ءَ بازیں کچے ءَ جانی تاوان بوتگ۔
ھمے اُرش ءِ میان ءَ سلاہ بندیں مردماں لیویز تانہ دستیگ کرتگ ءُ اود ءَ ساڑی کارمند دزگیر کرتگ اَنت ءُ جست ءُ پرس ءَ پد یل داتگ اَنت۔
اُرش ءَ پد زورگریں پاکستانی لشکر ءِ ھلی کاپٹر ءُ جاسوس ھمے ھند ءَ تر ءُ گرد کنگ ءَ اَنت۔
اُرشانی زمہ واری انگت ھچ گل ءَ نہ زرتگ اَنت۔
