گوادر: گوادر ء توار ءِ کارمستر ءُ نامداریں اھوالکار جاوید ایم بی چہ جتائیں نمبراں بیھار دیگ بوگ ءَ اِنت۔
بلوچ اھوالکار جاوید ایم بی ءَ بیھارانی گپ راست کرتگ ءُ گوشتگ کہ من ءَ دیر اِنت کہ پہ اھوالکاری ءِ پرز ءِ پیلو کنگ ءَ زوراکیانی دیمپانی کنگ ءَ آں۔ اے وڑیں بیھار پہ اھوالکا ری ءِ آجوئی ءِ سر ءَ ارش زانگ بیت۔
چوش کہ جاوید ایم بی ءِ ھمے بیھارانی ھال ماں رسانکدر ءَ شنگ بیتگ گڑا چہ جتائیں بھرگاں سیادی داروکیں مردم رسانکدر ءَ اے زوراکی ءَ ایر جنگ ءَ اَنت ءُ پہ جاوید ایم بی ءِ پھریزگ ءَ لوٹ کنگ ءَ اَنت۔
