کیچ: دشت ءَ زورگریں پاکستانی لشکرءَ بیڑ برتگ ءُ سے براتاں ھوار ھپت مردم آوار جنگ ءَ پد بیگواہ کرتگ۔
بیگواھیں مردمانی نام سابر ء میا، شاکر ء میا، ابداللہ ء میا، داد رھمان ء واھد بکش، ھسین ء رزا مھمد ، سراج ء الی بکش، بیبگر ء بشیر ءُ وسیم ء امام بکش اِنت۔ بیبگر ء بشیر چہ پیرانی بست ءَ آوار جنگ بیتگ ءُ آدگہ درسیں مردم مکسر ءَ آوار جنگ ءُ بیگواہ کنگ بیتگ اَنت۔
انچوش گوشگ بوگ ءَ اِنت کہ پاکستانی لشکر ءَ بیڑ برگ ءِ میان ءَ مردم لٹ شاپ کرتگ اَنت ءُ اے درسیں چہ آوار جنگ ءَ پیش ھم آزار دیگ بیتگ اَنت۔
