شال: پولیس ءُ سی ٹی ڈی ءِ کارمنداں بلوچ یکجھتی کمیٹی ءِ باسک گلزادی بلوچ آوار جنگ ءَ پد بیگواہ کرتگ۔
گلزادی بلوچ ءِآوارجنی ءِ گپ بلوچ یکجھتی کمیٹی ءَ راست کرتگ ءُ گوشتگ کہ مئے باسک گلزادی بلوچ چہ شال ءَ پولیس ءُ سی ٹی ڈی ءَ دزگیر کرتگ ءُ آئی بندیگجاہ ءِ بابت ءَ سرپدی دیگ ءَ نہ اِنت۔
آئی ءَ گوشتگ کہ ریاستی زوراکیانی دگہ یک کاروائی یے کہ پرایمنیں کارکن ءُ گھگیری تواراں نشانگ کنگ ءَ اِنت۔ما اے وڑیں درکانودی آوارجنی ءَ گوں ترندیں دانکاں ایر جن ایں ءُ آئی زوت یل کنگ ءِ لوٹ ءَ کن ایں۔
آئی ءَ لوٹ کرتگ ءُ گوشتگ کہ میان استمانی انسانی ھکانی گل زوت دلگوش ءَ گور بہ کن اَنت۔
چوش کہ اے وھد ءَ بی وائی سی ءِ بنجاھی سروکانی بگیری ءَ ریاست ءِ گنتریں زوراکی برجاہ اِنت۔ بنجاھی سروک ڈاکٹر ماہ رنگ، سبگت اللہ شاہ جی، بیبو بلوچ ءُبیبرگ بلوچ پیسر ءَ دزگیر کنگ بیتگ اَنت۔ آیانی دزگیری ءِ بگیری ءَ دو ھپتگ اِنت کہ سرجمیں بلوچستان ءَ زھرشانی برجاہ اَنت۔
