بلوچستان لبریشن پرنٹ ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ که بی ایل ایپ ءِ سرمچاراں 6 اپریل ءِ شپ ءِ نو ءَ تمپ ءِ میتگ آسیاباد ءَ زورگریں پاکستانی لشکر ءِ برجاھیں چوکی ءِ سر ءَ باز گرنیڈ لانچر گولا آس داتگ که نشانگ ءَ لگ اِتگ اَنت. اُرش ءِ آسر ءَ زورگریں لشکر ءَ جانی ءُ مالی تاوان بیتگ.
آئی ءَ گوشتگ که دگه یک اُرشے ءَ 6 اپریل ءِ شپ ءِ نو ءَ بی ایل ایپ ءِ سرمچاراں ھاران ءِ شھر ءَ جوژان ءَ زورگریں پاکستانی لشکر ءِ برجاھیں چوکی ءِ سر ءَ دستی بمب اُرش کرتگ که ایشی آسر ءَ لشکر ءَ کمو تاوان بیتگ.
میجر گھرام بلوچ ءَ اٗرشانی زمه واری من اتگ ءُ گوشتگ که داں بلوچستان ءِ آجوئی ءَ مئے اُرش برجاه بنت.
