بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ ھمبل سرمچار جاوید ء مزار یک اپریل 2025 ءَ پاکستانی لشکر ءِ کمکارانی اُرش ءَ شھید بیتگ۔ بی ایل ایپ آئی ءَ ستک شانی ندر کنت ءُ ھمے کول ءَ کنت کہ دژمن ءِ کمکاراں داں گڈی آسر ءَ سر کن ایں۔
آئی ءَ گوشتگ کہ جاوید پنام آسپ ء مزار بنیاد ءَ جان مھمد بازار دشت، کیچ ءِ جاہ منند اِنت۔ آئی کھول ءَ رند ءَ گْوادر ءَ شتگ۔ آ 2011 بی ایل ایپ ءَ ھوار بیتگ ءُ داں 2012 ءَ شھید ھلیم ءُ شھید گنی ءِ ھمراھی ءَ شھری نیٹورک ءَ ھوار بیتگ ءُ دژمن ءِ بگیری ءَگل ءِ تہ ءَ جْوانیں کرد پیلو کرتگ۔ گْوادر ءَ پہ پہ بی ایل ایپ ءِ دیم ءَ آرگ ءَ دیم ءَ بیتگ ءُ چہ شھید جاوید ءِ وڑیں سرمچارانی دیمونیانی برورد ءَ زورگریں ریاست ءِ لٹ ءُ پلی شوربندی بے سوب بیتگ اَنت۔ شھید جاوید، شھید گنی ءِ تروزتک اِنت۔
جارکش ءَ گوشتگ کہ 2012 ءَ پد دشت ءِ جنگاں لشکری آپریشناں بھر زرتگ ءُ جْوانیں کرد پیلو کرتگ۔ 2016 ءِ بندات ءَ گل ءِ شوربندیانی بنیاد ءَ چہ شھر ءَ اوتاک ءَ اتکگ ءُ جنگی کاروائیاں بھر زرتگ۔ چہ آئی بودناکی، جھد ءُ شریں نشانگ ءِ برود ءَ آئی ءَ اسنائپر ءِ زمہ واری دیگ بیتگ۔ آئی پاکستانی لشکر ءِ بنجلانی سر ءَ اُرش کنگ ءَ جْوانیں کرد پیلو کرتگ۔ چہ آیانی تہ ءَ 25 جنوری 2022 ءَ سبدان جنگ ءِ وڑیں گوستانکی آپریشن ھوار اَنت۔ اود ءَ بی ایل ایپ ءِ سرمچاراں پاکستانی لشکر ءِ یک مھکمیں بنجلے سرجم ءَ تباہ کرتگ، چہ ایشی پد دژمن جستگ۔
آئی ءَ گوشتگ کہ شھید جاوید داں گڈی ءَ گوں گل ءَ ھمگرنچ بیتگ۔ یک اپریل 2025 ءَ گل ءِ موکلانی میان ءَ دژمن ءِ کمکاراں سنگر گپتگ ءُ اُرش کرتگ، چہ ایشی ءَ آ شھید بیتگ۔
جارکش ءَ گوشتگ کہ بی ایل ایپ ءَ پہ آئی کشندھانی درگیجگ ءَ جست ءُ پرس بندات کرتگ۔ چہ بنداتی جست ءُ پرس ءَ میاربارانی نام زانگ بیتگ اَنت ءُ دیمتر ءَ جست ءُ پرس برجاہ اِنت۔ گوں تچکی ءَ گوش ایں کہ دژمن ءِکمکارھچ جاہ ءَ بکشگ نہ بنت ءُ چہ شھید جاوید ءِ کشندھانی گڈی آسر ءَ سر کنگ ءَ ابید گل ایمن نہ بیت۔
آئی ءَ گوشتگ کہ گوں بلوچ راج ءَ لوٹ کن ایں کہ آ شھری ھنداں دژمن ءِ کمکارانی سر ءَ چماں سک بہ کن اَنت ءُ سرمچاراں کمک بہ کن اَنت دانکہ لھتیں باڑھی ناشرکار پہ ارزانی ءَ راجی سپاھیگاں تاوان مہ دے اَنت۔ بلوچ کج ءَ کہ نشتگ آیانی ھمدردی گوں وتی راجی آجوئی زرمبشت ءَ بہ بیت ءُ ھمے ھم سنتی آجوئی ءِ مانزمان اِنت۔
جارکش ءَ گوشتگ کہ انوں بلوچ مھلوک ءَ یکجھتی کرتگ آ دلبڈی اَنت۔ بلوچ ملایاں مسیت ءُ آئید ءِ نمازجاھاں آجوئی زرمبشت ءِ ھک ءَ تران کرتگ ءُ دوا کرتگ۔ ما گوں ملایاں لوٹ کن ایں کہ آ دژمن ءِ کمکارانی بگیری ءَ تچک ءَ گپ بہ کن اَنت ءُ راج ءَ بہ گوش اَنت کہ پہ لھتیں کلدار ءَ پاکستانی لشکر ءِ کِر ءَ وتی زرد ءَ بھا مہ کن اَنت۔
میجر گھرام ءَ گوشتگ کہ بلوچ مھلوک کج ءَ بوت ھمے راجدروھانی جست ءُ پرس ءَ بہ کنت ءُ آیاں پیش بدار ایت ءُ آیانی بگیری ءَ کاروائی ءَ گل ءَ کمک بہ کنت۔
