بلوچ نیشنل موومنٹ ( بی این ایم ) ءَماں رسانکدر ءَ وتی شنگ کرتگیں جارے ءَ گوشتگ کہ بی این ایم ءَ پہ بلوچستان ءِانسانی ھکانی ناگیگیں جاورانی آشکار کنگ ءَ بازیں ڈیھاں زھرشانی کنگ ءِ جار جتگ۔ اے زھرشانیانی رد ءَ زوریں بیگواھیانی گیش بوگ، بلوچ سیاسی کارکنانی ناھکیں دزگیری ءُ دروگیں کیس جنگ ءِ وڑیں زوراکیں پندلانی سر ءَ گپ جنگ بیت۔
آئی ءَ گوشتگ کہ بی این ایم میان استمان ءِ دلگوش ءَ گوں بلوچ راج ءِسر ءَ بیوکیں گیشیں زوراکیانی نیمگ ءَ کنگ لوٹ ایت، آیانی تہ ءَ درکانودی کوش، آزار دیگ ءُ پہ سیاسی بگیریانی دارگ ءَ زوراک کنگ ھوار اَنت۔ ھمے میان ءَ میان استمانی زھرشانیانی رد ءَ بی این ایم وتی ھمے لیکہ ءِ سر ءَ زور دنت کہ بلوچستان ءِ آجوئی ھم ھمے یکشلیں زوراکیاں ھلاس کنت ءُ پہ بلوچ راج ءَ انساپ ءُ آجوئی ءَتچکیں راہ اِنت ۔
